Gabinete di Gobernador ta parti di Gobièrnu di Reino. E organisashon ta konsistí di 17 kolaboradó. Direktor di e Gabinete ta enkargá ku e mando general di e Gabinete i staf di e Gabinete (direktor, direktor suplente i e konsehero hurídiko) ta enkargá ku e mando konsultativo di Gobernador.

Por bisa ku den hopi kaso e departamentu di konsulado ta funshoná manera e lokèt di e konsiudadano. Aki ta risibí i trata e petishonnan pa visa, pa pasport, naturalisashon i opshon. Supervishon i e maneho diario ta responsabilidat di e kordinadó di maneho ku ta haña asistensia den esaki serka e kolaboradó finansiero i un kolaboradó di ICT. Finalmente trabounan di sosten ta keda hasí pa e sekretaria di Gobernador, un dokumentalista, un resepsionista/ telefonista, un mayordomo i dos bode/ shofùr.