WILLEMSTAD 20 di mart 2021 

En konekshon ku elekshon pa Parlamento di Kòrsou di dia 19 di mart 2021, Gobernador di Kòrsou, sra. L.A. George-Wout, ta kuminsá tene konsulta awe mainta 20 di mart, pa na formashon di un gabinete nobo.

Awe Gobernador a risibí di Presidente di Konseho Elektoral, señor R. Römer, resultado preliminar di elekshon. Despues lo tin konsulta ku visepresidente di Konseho di Konsulta, señora L. Dindial, Minister di Estado, señor J. Saleh, presidente di Parlamento, señora A.M. Pauletta, Minister-Presidènt demisionario, señor E.P. Rhuggenaath, un delegashon di SER i un delegashon di Konseho di Iglesia.

For di djaluna 22 di mart Gobernador lo tene konsulta ku lider di seis partidonan polítiko di Kòrsou kendenan a base di e resultado di elekshon di dia 19 di mart a atkirí un òf mas asiento den Parlamento.